Prins Han 1e


Prins Han I met Adjudanten Roel en Joost

PROKLEMATIE

Ich, Prins Han de ieërste, Heerser uuëver het Golfbraekersriek, Reserve van de reserve-vaandrig van de Sjötte, Benjamin bie de Veterane, Aod Prins en leiding vanne Braekerkes, mer boeavenal trotse Wèssemer,

Doon te weite:

Ten 1e : Det ich ut ein enorme ieër vinj uch dit jaor vuuër te moge gaon.

Ten 2e: Det ich det neet allein doon, mer samen mèt mien Adjudanten Roel en Joost.

Ten 3e: Det ut vastelaovend geveul duudelijk in ut Maosseblood zit, ut aantal Prinsen is inmiddels ontelbaar.

Ten 4e: Det de veterane mich noe bie zulle motte haoje in plaats van angersom.

Ten 5e: Det ich mèt die daag gein gewaer of vaan in de henj zal pakke.

Ten 6e: Det in de vleger nao Curaçao ein steulke laeg zal blieve.

Ten 7e: Det ze ut in Wieërt die daag zonger Roel motte doon, mer det zal waarsjienlik nemes opvalle.

Ten 8e: Det ze mich de kommende tied minder oppe Ruiver zulle zeen, omdet ich mich vol gaon inzètte veur de laefbaarheid in Wèssem.

Ten 9e: Det wae d`r samen met de Braekerkes, vuuër jônk en aod, eine vastelaovend van make om noeats te vergaete.

Ten 10e: Det wae neet allein kinne fieëste, mer uch dao allemaol bie nuuëdig höbbe.

Ten 11e: Det wae nao ut vasthaoje en oetspraeke van dees proklematie kake van de doos.

Aldus gegaeve en gedaon op zaoterdig 24 november 2018, ónger miene liefspreuk:

Neet kalle, mer knalle!!