Prins Job 1e met adjudanten Raoul en Joost
PROKLEMATIE
Ich, Prins Job I, eindelijk heerser uuever ut golfbraekersriek, eine gruuetse wessemer, DJ vuuer al uch fieeste en partieje, Brandjveiligheidsmenke op kantoear in Mestreecht, volleyballer bie ut ieerste van Accretos in Roggel en dao ouch jeugdtrainer van de meiden B1 en C1, bestuurslid en TC’er van VC Maasdal in Wessem, op kop fietser bie de MaasgouwTrappers en ein van de Menner Van De Ronj Taofel.
Doon te weite:
Ten ieerste:
Det ich hieel blie bin det ich nao twiee jaor wachte den eindelijk vanaovendj oet de kist bin moge komme en noe officieel moog zigge det ich de prins bin van de Golfbraekers oet Wèssem.
Ten twieedje:
Det ich, Prins Job I, ut neet allein kan en gaon doon dit Vastelaovendjseizoen, mer same mit mien twiee kammeraoj Joost en Raoul vuuerop gaon in de Wèssemse vastelaovendj, mer ouch uch dao bie nuuedig hub om der ein geweldig vastelaovendjseizoen van te kinne maken.
Ten Derdje:
Det vuuer deze vastelaovendj DJ’s Job en Raoul de meiste plaate hubbe gedrejdj, en noe same mit uch gaon fieeste op de muziek van DJ XL en DJ Ferry V.
Ten Veerdje:
Det eine adjudant eine half Golfbraeker half Gangmaeker is en de angere eine Sjansemaeker, mer noe same mit mich vuuerop zulle gaon in ut Golfbraekersriek.
Ten viefdje:
Det ut ieerste van Accretos ut de kommendje tied mit twiee man minder zal motte doon, aangezeen wae noe allein nog mer traine vuuerop in de polonaise en op ut podium.
Ten zesje:
Det ich de geboewe wou we gaon komme dit kieer onveilig gaon make in plaats van brandjveilig.
Ten zevendje:
Det ich de kommendje tied vuueral de Golfbraekers oet de wind zal haoje op kop van de polonaise en de MaasgouwTrappers zelf door de windj zulle motte trappen.
Ten achtste:
Det ich de vastelaovendj in Wèssem gaon besture in plaats van VC Maasdal, mer det ich nao de vastelaovendj mien take weer zal oppakke.
Ten negendje:
Det de Menner Van De Rònj Taofel de kommendje maondje allein nog mer bieeinkomsten hubbe aan ein ronj staontaofel in Wèssem, aangezeen hie twiee leeje vuuerop gaon in ut Golfbraekersriek.
Ten tieendje:
Det de meiden van de B en C allein nog mer training kriege in ut viere van vastelaovendj en ut volleyballen op ein lieeger pitje kumptj te staon.
Ten ellefdje:
Det ich grueets bin det ich vuuerop moog gaon in de Wèssemse vastelaovendj dit seizoen en ich dit hieel gaer mit uch Golfbraekers en Braekerkes wil gaon belaeve!
Aldus gegaeve en gedaon op zaoterdig 26 november 2022.